Altre lingue
Ghia intrativa a is matas
de su giardinu ‘e sa Scola ‘e Mesu
Scola ‘e mesu de su Stadu Mons. A. Saba, Su Masu (Casteddu)

Pier Luigi Nimis, Francesco Mascia, Stefano Martellos
Annamaria Manca, Rita Marini
Foto di Andrea Moro

Tradutzioni in Sardu Campidanesu de Frantziscu Maxia

Cun sa versioni in lìngua sarda de sa Ghia intrativa a is matas de su giardinu ‘e sa Scola ‘e mesu de Su Masu seus sprorendi una terra chi no connosceus: difatis custu est su primu esèmpriu de crai ‘e determinatzioni botànica e unu de is pagus documentus de divurgadura scientìfica chi funt stètius propostus a una scola in lìngua sarda. In prus, est una de is primu propostas scientìficu-divurgativas presentadas in sardu puru e adelantadas de s’ Universidadi. In custa versioni sa barianti linguìstica chi eus imperau, giai chi su traballu est po una scola de sa bidda ‘e Su Masu, est sa campidanesa. Po calincunu fueddu botànicu sceti eus dèpiu introdusi is noulogismus: sa majoria de custus fueddus funt agetivus chi ddus eus aprontaus aciungendi sceti unu sufissu a unu sostantivu o a unu verbu (es. verbu Apiculai + sufissu –osu/a = noulogismu apiculosu-a) Nosu si ndi speraus chi sa lìngua ‘e s’ìsula nosta, cun totu s’arrichesa e s’interesa sua, potzat essi imperada sempri de prus po fueddai de scièntzia e de circa, a pitz’’e totu in sa scola.

-----------------

Frantziscu Maxia tenit bintiduus annus e stùdiat Scièntzias de sa Naturalesa in s’Universidadi ‘e Casteddu. De su 1998 pigat parti cumenti circadori a is fainas de unas cantus trumas de circa scientìfica chi traballant in s’arregioni e in su stadu. At pigau parti e agiudau a unus cantus progetus promòvius de Universidadis, musèus e assòtzius, cun grandu interessu a pitz’ ‘e totu po is temàticas chi s’arreferint a su stùdiu de is ecosistèminis e a s’ecologia de is-i spètzias. Est in s’Acadèmia Campidanesa po sa Lìngua Sarda (http://www.acalisa.org/) e s’interessat de manera spetzìfica a s’agiorronamentu, a s’adelantamentu e a s’imperu de sa lìngua sarda me-in su cuntèssiu de is-i Scièntzias e de sa circa scientìfica. Torru gràtzias a Amos Cardia e Perdu Perra (Acadèmia Campidanesa po sa Lìngua Sarda) po s'agiudu e is cuntzillus chi m'ant donau po fai is fueddus nous